دیالە.. تویشهاتن 1700 سەرە ئاژەڵ وە بیماری تەبەق و ڤێتەرنەری دڵنیایی دەێد (وینە)
شەفەق نیوز/ سەرچەوەیگ ئاگادار، ئمڕوو دووشەممە، ئامار زەردەیل بیماری تەبەق لە پارێزگای دیالە ئاشکراکرد، دووپاتکرد خەسخانەی ڤێتەرنەری بیماریەگە سنووردارکردیە.
سەرچەوەگە وە ئاژانس شەفەق نیوز وت، "بیماری تەبەق لەماوەی چەن هەفتەی وەرین تویش 1700 سەر ئاژەڵ هاتیە لە گرنگترینیان گامیش و دەیان لەلیان لەناوچگنە، و بڕیگ لەلیان لەدویای وەرگردن رێکار پێویست خاسەوبوینە".
وتیش، "تویشهاتنەیل لە ناوچە جیاوازەیل رویدانە لەناوەینیان ناحیەی ان بەنی سەعەد و عبارە و موقدادیە و غالبیە مەنەلی و قەزانیە" وتیش " بیماریەیل ترەک تویش ئاژەڵەیل بویە کە لە عراق توومارکریانە، و بارودۆخە هاژیر کۆنترۆل".
وەڕێوەبەر خەسخانەی ڤێتەرنەری دیالە، محەمەد غەزبان دووپاتکرد "پارێزگاگە قۆناغ رخداری تەبەق رەدکردیە تویشهان و مرداربوین وەشیوەی گەپیگ سنوورداربویە".
وتیش؛ "دویەکە نزیکەی 50 سەر ئاژەڵ لە جویر گامیش و پەس و مانگا وە بیماریەیل گومان لێکریاگ توومارکریا لەناویانیش بیماری تەبەق، هویچ پسای مرداربوین توومارنەکریایە" وتیش "رێژەی پەتاگە داوەزیاس وە ئەو مانا کە لە دیالە کۆنترۆل کریاس و قۆناغ رخداری رەدکردیە".
