دیالە... باوگیگ کوڕ خوەی تلنێد و زەخمداری 3 کەس وە رۊداو هاتوچو
شەفەق نیوز/ سەرچەوەیگ ئەمنی لە پارێزگای دیالە، ئمڕوو یەکشەممە، خەوەردا لە مردن مناڵیگ کور وە رۊداو تلیان وە ماشین وەلایەن باوگی لە دەوروگەرد ناحیەی جەبارە باکوور خوەرهەڵات دیالە، لەهەمان وەخت زەخمداری مەدەنیەیلیگ وە رۊداو هاتوچو لە دەوروگەرد بەعقوبە.
سەرچەوەگە وە ئاژانس شەفەق نیوز وت، منالیگ دو ساڵان گیان لە دەسدایە وە رۊداو تلیان نەزانستنی وەلایەن باوگی لە ئاوای (عەلی خەلف) کەفێدە ناوبەین ناحیەی جەبارە باکوور خوەرهەڵات دیالە و ناحیەی (کوکز) سر وە ئیدارەی گەرمیان.
وتیش، " تەرم قوربانیەگە ئەرا پزشک دادوەر کلکریایە و دەسڵاتدارەیل ئەمنی لێکۆڵینەوە لە رۊداوەگە وازکردنە.
لە خوەرهەڵات بەعقوبە، سەرچەوەیگ وە ئاژانس شەفەق نیوز وت؛ ۳ مەدەنی تۊش زەخمداری جیاواز هاتنە لەئەنجام لەیەکداین ماشینەیل لەناوچەی (جۆبە) خوەرهەڵات بەعقوبە.
وتیش، زەخمدارەیلە ئەرا خەسخانە کلکریانە و دەسڵاتدارەیل هاتوچو رێکاریل یاسایی وەرگردنە.
