دیالە.. پەیاکردن تەرم گەنجیگ و داعش مەرەقەز شوانیگ رفیاگ کەێد
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە پەیاکردن تەرم گەنجیگ نزیک جادەی گشتی لە ناوچەی دور خوەرهەڵات پارێزگای دیالە.
سەرچەوەگە ئەرا ئاژانس شەفەق نیوز وت: گەنجەکە شوین گولە لە لەشی بویە.
وتیش: لێکۆڵینەوەی سەرەتایی نشان دەێد خەڵک ناحیەی بەنی سەعەدە.
هەرلیوا، سەرچەوەیگ ئەمنی لە دیالە، خەوەردا ک ئەندامەیل داعش شوانیگ مەرقەز کردن، دویای دوو مانگ لە رفیانی لە دەورگرد ناحیەی قەرەتەپە وەرانوەر سەرانەی پویل.
سەرچەوەگە ئەرا ئاژانس شەفەق نیوز وت: ئەندامەیل داعش شوانیگ وەناو (سەباح نوری رەشید) لە ئاوای نارين سەروە ناحیەی قەرەتەپە وەرانوەر سەرانەی پویلیگ بایی ٥٠ هەزار دۆلار ئەمریکی مەرقەز کردن.
سەرچەوەگە دووپات کرد ک ئەندامەیل داعش ئەو شوانە لە خود ئەو شوینە مەرقەز کردن ک وەرجە دوو مانگ وەخاتر پویل رفاننەی، و هەڕەشەی کەسوکاری وە کوشتنی دان.
