دیالە ئاشکەرای ئامار ئاوارەیلەی دۊای داعش کەێد

شەفەق نیوز/ فەرمانگەی کووچ و کووچکردن لە دیالە، ئمڕوو دوشەممە، ئاشکەرای دۊا ئامار پەرەی ئاوارەیلە کرد لە پارێزگاگە.  

وەڕێەوبەر فەرمانگەگە ئیبتهال محسن داینی، وە ئاژانس شەفەق نیوز وت، و شمارەی ئاوارەیل دۊای رۊداوەیل داعش 26 هەزار و 874 خێزانە، و 7632 خیزان چگنیان ئەرا ناوچەیلیان توومار نەکریایە تا ئیسە لەوەر هووکارەیل جیاواز لەلیان پێوسیتی ژیان و نەبۊین بارودۆخ خزمەتگوزاری و ئەمنی ئەرا گلەوخواردنیان.  

دیاریکرد،" زیاتر  لە 300 خیزان ئاوارەبۊنە لەماوەی رۊداوەیل موقدادیە لە دێهات نەهر ئیمام لە تشرین یەکەم 2021 و تا ئیسە گلەو نەخواردنە، زیاتر لە 2000 لە حەوز ئاوارە بۊنە کەفێدە باکوور خوەرهەڵات بەعقوبە لەوەر رۊداوەیل و بارودۆخ ئەمنی تا ئیسە گلەو نەخواردنە ئەرا ناوچەیلیان". 

هووکارەیل ئەمنی و ئاینی  لە دیالە لە 2005 تا 2014 بۊیەسە مدووی ئاوارەبۊن دەیان هەزار خێزان لە ناوچەیلیان ئەرا ناوچەیلیگترلە دیالە و وەرەو و هەرێم کوردستان و کەمپ ئاوارەیل لە خانەقین باکوور خوەرهەڵات پارێزگاگە. 

تا ئیسە پەرەی ئاوارەیلە لە دیالە چارە نەکریایەو دۊایی وەپی نەهاتییە وە شیوەی تەواویگ لەوەر بارودۆخ ئەمنی ونەبۊن خزمەتگوزاری ئەرا ئەو ناوچەیلە.