دیارنەمان زیاتر لە 17 ملیار دینار لە داهاتەیل رسومەیل لە بانکیگ حکومی

شەفەق نیوز ـ بەغدا

سەرچەوەیگ ئاگادار، ئمڕوو شەممە، خەوەردا لە دیارنەمان بڕە پویلیگ زیاتر لە 17 ملیار دینار عراقی، کە چوودەو ئەرا پویل رسومەیل و حساوەیل ئەلکترۆنی لە یەکیگ لە بانکە حکومیەیل.

وەپای قسەی سەرچەوەگە ئەرا ئاژانس شەفەق نیوز، دەسەی دەسپاکی فیدڕاڵی و دیوان چەودێری دارایی فیدڕاڵی داوای لێکۆڵینەوە لە هووکار دیارنەمان ئێ بڕە کردنە، و وەدویاچگن ئەرا توومارەیل دارایی و حساوەیل ئەڵکرۆنی پەیوەنیدار وەپی کردنە، وگەرد هویردەوبوین لە رێکارەیل لە بان پرۆسەی رسومەیل و کلکردن پویل.

دیاریکرد، هەوەجە کەێد دیاریبکریەێد گیچەڵ ئیداری یا دارایەگە، و ئاشکرای ئەو لایەنەیل بکریەن کە وەرپرسیارن، و رێکار یاسایی هەوەجەکریاگ وەرانوەر هەر کەسیگ وەربگیریەێد کە بچەسپێد دەسدیرێد، ، لە چوارچمگ پاراستن پویل گشتی و نواگیری دوارەوبوین ئێ رویداوەیلە.