دياله و کەرکوک.. تاسیان سەدان کەس لەوەر خوەڵوتووز
شەفەق نيوز/ پارێزگایل دیالە و کەرکوک، ئمڕوو دووشەممە، تاسیان سەدان کەس توومار کردن، لە ئەنجام هەڵکردن خوەڵوتووز لە بڕیگ پارێزگایەیل وڵات، و بویە مدوو پەککەفتن ری هامشوو دەرەکی.
فارس عەزاوی قسەکەر تەندروسی دیالە، ئەرا ئاژانس شەفەق نیوز وت: تویشهاتن مەردم وە تاسیان لەور ئەو خوەڵوتووزە تا ئیسە لە 300 کەس زیاتر سەردان خەسەخانەیل کردنە، و شمارەگە وەرەو بەرزەوبوین چوود، و تیمەیل تەندروسی کار خوەیان کەن، و تویشهاتن رخدار لەناویان نییە.
لەلای خوەییش، سەرچەوەیگ پزشکی لە فەرمانگەی تەندروسی کەرکوک، خەوەردا لە تاسیان دەیان کەس لە ئەنجام ئەو خوەڵوتووزە کە داد لە بەشەیل باشوور پارێزگاگە.
سەرچەوەگە ئەرا ئاژانس شەفەق نیوز وت: ئەو خوەڵوتووزە کە لەلای تکریتەو هاتگە، بویە هوکار تاسیان زیاتر لە 30 کەس لە قەزای حەویجە، و ئەرا خەسەخانە بریان.
وتیش: فەرمانگەی تەندروسی گشت تیمەیل پزشکیی لە گشت پارێزگاگە خستە ئامادەباشی لەوەر ئەو خوەڵوتووزە وەتایبەت وەگەرد رەسینی ئەرا سەنتر شارەگە، وتیش: ئاست نووڕستن لەبان ری تکریت - کەرکوک نەمەنیە، کە رخداری گەورەیگ لەبان هاتوچو دیرێد.
