دياله: كه‌سه‌يليگ فشار دروس ئه‌كه‌ن له‌وه‌ر سه‌رپيچى له قه‌يه‌غه‌ى هاتوچوو
2020-03-24T09:47:12+00:00
شه‌فه‌ق نيوز/ موسه‌نا تميمى پاريزگار دياله، كه‌سه‌يليگ تومه‌تبار كرد وه ئه‌وه‌گ هه‌وڵ ئه‌يه‌ن فشار دروس بكه‌ن له‌بان بازگه‌يل ئه‌منى له‌وه‌ر شكانن بڕيار قه‌يه‌غه‌ى هاتوچوو له پاريزگاگه.
تميمى له لێدوانيگ رووژنامه‌گه‌رى وت: كه‌سه‌يليگ هه‌ن هه‌وڵ شكانن بڕيار قه‌يه‌غه له پاريزگاگه ئه‌يه‌ن و باس له‌وه ئه‌كه‌ن ده‌سڵاتيان له ده‌سڵات ده‌زگايه‌يل ئه‌منى به‌رزتره‌و فشار ئه‌خه‌نه بان بازگه‌يل و كارمه‌نده‌يل ده‌زگايه‌يل ئه‌منى ئه‌را شكانن قه‌يه‌غه‌و ئيمه‌يش رێ وه‌پيان نايه‌يم.
جى باسه، تميمى داوايش له مه‌ردم پاريزگاگه كرد پابه‌ند بوون وه رينمايه‌يل له‌وه‌ر خودپاريزى له بڵاوبوينه‌وه‌ى ڤايرۆس كۆرۆناو باس له‌وه‌يش كرد هويچ گرنگى وه‌و كه‌سه‌يله نايه‌يم ك ئه‌خوازن سه‌رپيچى له بڕيار قه‌يه‌غه‌ى هاتوچوو بكه‌ن.
