دياله ئاشكراى تويشبوين تازه وه كۆرۆنا كرد
2020-05-10T21:05:18+00:00
شه‌فه‌ق نيوز/ پاريزگاى دياله ئاشكراى تۆماركردن حاڵه‌ته‌يل تازه‌ى تويشبوين وه ڤايرۆس كۆرۆنا كرد، ك له‌ئه‌نجام ئه‌وه‌يش شماره‌ى تويشبوين به‌رزه‌و بويه ئه‌را 20 حاڵه‌ت.
له‌ى باوه‌ته‌و، نه‌بيل حوزام وه‌ڕيه‌وبه‌ر گشتى ته‌ندروستى له پاريزگاگه ئه‌را شه‌فه‌ق نيوز وت: تاقيگايه‌يل ته‌ندروستى حاڵه‌تيگ تر ئه‌را پياويگ 54 ساڵان تۆمار كردگه له خه‌ڵك ده‌ورگرد باقووبه، ئه‌ويش دوياى ده‌ركه‌فتن ئه‌نجامه‌يل له تاقيگايه‌يل به‌غدا.
جى باسه، حوزام هه‌ميش وت: شماره‌ى حاڵه‌ته‌يل تويشبوين له پاريزگاگه به‌رزه‌و بويه ئه‌را 20 حاڵه‌ت و باس له‌وه‌يش كرد 15 حاڵه‌ت خاسه‌وبوينيش تۆمار كرياگه وه‌ل تۆماركردن په‌نج حاڵه‌ت مردن.
