دویەم پسای مردن وە تەو خوین وەربوین لە موسەنا توومارکریا

شەفەق نیوز/ سەرچەوەیگ پزیشکی، ئمڕوو چوارشەممە، خەوەردا لە توومارکردن دویەم مردن تویشهاتن وە تەو خوینوەربوین لە پارێزگای موسەنا.

سەرچەوەگە وە ئاژانس شەفەق نیوز وت، تویشهاتگەگە لە خەستەخانەی  الحسين فێرکاری لە موسەنا گیان لەدەسدا،  وتیش؛ نمونەیلیگ وەرگیریاس ئەرا دڵنیابوین لە تویشهاتنی.

 دویکە مردن تویشبویگ وەی پەتایە لە موسەنا توومارکریا کە یەکەمین مردنە لە ماوەی ئمساڵ.

سەرچەوەیگ پزیشکیش وە ئاژانس شەفەق نیوز خەوەردا، "دووپاتکریاس لە تویشهاتن سێ کەس وە تەو خوینوەربوین لە پارێزگای موسەنا، یەکیگیان ژنیگ بوی کە ئمڕوو مرد لەوەخت چارەسەر وەرگردن لە سەنتەر چەودێری تایوەت وە تویشبویەیل".