دویای چەن رووژیگ لە رفیانی.. پەیاکردن تەرم بزگیریگ ناوبەین دیالە و واست

شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە پەیاکردن تەرم بزگیریگ دویای چەن رووژیگ لە ئەفغانی لە دەورگرد ناحیەی مەنەلی.

سەرچەوەگە ئەرا ئاژانس شەفەق نیوز وت: کەسەیلیگ نەناسریاگ، وەرجە سێ رووژ، بزگیریگ لە ناو تەمەن پەنجا ساڵان، خەڵک ناوچەی ندا لە باکوور مەنەلی رفانن، و وەرەو شوین نادیاریگ بردنەی.

وتیش: خەڵکەگە ودەزگا ئەمنیەیلە تەرم رفیایەگە پەیا کردن لە زەوییگ کشتوکاڵی لەناوچەی ترساق ناوبەین مەنەلی و واست وەخاک نریاێود.

دووپات کرد ک هیزە ئەمنیەیلە وەردەوامن لە لێکوڵینەوە ئەرا رەسین وە بندروس ئەو رویداوە و ئاشکراکردن تاوانکارەیل.