دویای لەدەسدان خیزانەگەی.. بویچگترین رزگاربوی ئەیزیدی باس چیرووکە زیاندارەگەی کەێد
شەفەق نیوز/ ئایە عەباس زەنون، بویچگترین رزگاربوی ئەیزیدی لەدەست ریخریاگ داعش، چیرووکە زیاندارەگەی باس کەێد، لەمەوقەی کۆنتڕۆڵکردن ریخریاگ داعش لەبان قەزای شەنگال، لەوەختیگ وەزیر کۆچ وکۆچبەران راگەیان تەرخانکردن مووچەیگ ئەرا ئەو مناڵە.
وەزارەتەگە لە بەیاننامەیگ رەسیە ئاژانس شەفەق نیوز وت: ئیڤان فایق جابرو وەزیر کۆچ، شەوەکی ئمڕوو، لە نووسینکەگەی لە بەغداد پایتەخت چەوی کەفتە مناڵە ئەیزیدیەگە ئایە عەباس ک خیزانەگەی لەدەسدا، لەمەوقەی پەلامارە بەربەریەگەی داعش لەبان قەزای شەنگال.
جابرو وت: ئەو باسەیلە ک رزکاربویە بوبچکەگە لە تەمن ١١ ساڵان باسیک کەێد، وهەمیش ئەو رزگاربویەگان لە کامپەگان، وینەیگ ئاشکرایگ نشاندەێد لە رەفتارە تاوانیەگەی چەتەیل داعش تاوانبار دژوە ئەیزیدیەگان و ئەو پێکهاتە وئاینیە عراقیەگان.
وەگورەی بەیاننامەگە، وەزیر کۆچ لە مووچەی تایبەت خوەی تەرخان مووچەیگ ئەرا مناڵە ئەیزیدیەکە کرد چوونکە لە ماڵ یەتیمەیل ژیان کەێد لە پارێزگای کەربەلا، وهەمیش ئەرک چەودیری دەرکردن بەڵگە فەرمیەگانی هەڵگرد لە لایەنە پەیوەندیدارەگان دویای گومکردنیان لەوەر پەلامارەگەی ریخریاگ داعش تیرۆر.
ئایە عەباس مناڵەگە لەلای خوەی وت: کەفتیمنە وەر جوورا جور ئەشکەنجە و سووکایەتی وکوشتن و تاڵان وفرووشتن لە بازاڕەیل کویلەگان، و وەرجە چەن ساڵیگ رزگاربویم و هاتمەو ئەرا باوان وکەسەیلم،دویای ئەوەگ خیزانەگەم لەبان دەس داعشە تاوانبارەگان لەدەس دام.
