دویای فەرمان سەدر.. کیشانەوەی سەدریەیل لە ناوچەی خەزرا
شەفەق نیوز/ ناوچەی خەزرا، ئمڕوو سێشەممە خوەیکیشان لایەنگرەیل رەوت سەدر وەخوەی دی، دویای فەرمان ریبەریان موقته‌دا سه‌در، ئەرا کیشانەوە وەماوەی یەک ساعەت.
لایەنگرەیل رەوت سەدر بڕبڕ دەسکردنە کیشانەوە لە ناوچەی خەزرا، و فرەیان لە دەروازەی تەشریع وهەمیش لەبان پیەڵ جمهوریە وسنەک دەرچگن.
پارچە ڤیدیۆییلیگ نشان دەن ک لایەنگرەیل سەدر چەکیان هەڵگردنە وخوازن وەرەو دەیشت ناوچەگە بچن، ئەو ناوچە ک دویەشەو و ئمڕوو بویە مەیدان جەنگ، تا ئەوەنە کۆنگرەی موقتەدا سەدر دەسوەپی کرد، ک داوا لەلیان کرد واز بارن.
لەلای خوەییش، سەرچەوەیگ ئەمنی ئەرا ئاژانس شەفەق نیوز وت: لایەنگرەیل سەدر هیمان وەردەوامن لە کیشانەوە لە خەزرا و پەرلەمان، وتیش: دەنگ بومب گازی رەسیە گووش، وەبی دیاریکردن شوینەگەی، سەرچەوەگە وتیش: ئەوەسا گشت ریەیل واز کریەن، و وەماوەی چەن ساعەتیگ گشتی واز بوود.
لەباوەت بڕیار دەسکیشانی لە سیاسەت، موقتەدا سەدر وت: یە بڕیاریگ یەکجاریە، و گلەوخواردن ئەرای نییە، و قەت نیەچمە ناو ئی باوەتە.
