دویای زیایبوین خنکیان.. شاریگ عراقی قەیەغەی مەلەوانی لە فوڕات کەێد
شەفەق نیوز/ دەسەڵاتداره‌یل لە پارێزگای نەجەف، ئمڕوو سێشەممە، بڕیار قەیەغەی مەلەوانی لە چەم فوڕات دان، ئەویش دویای زیایبوین لە خنکیایەگان.
عەمید سەتار جەبار موسەوی وەڕێوبەر بەش پۆلیس رووبار لە بەیاننامەیگ رەسیە ئاژانس شەفەق نیوز وت: وەڕێوبەرایەتیەگەی بڕیار قەیەغەی مەلاوانی دا لە چەم فوڕات لە دویای ساعەت چوار ئیوارە، ئەویش لەوەر زیایبوین رووداوەیل خنکیان لەناو چەمەگە.
وتیش؛ مەفرەزەیل پۆلیس رووبار وژیرئاوی لە ئەفسەر و پلەداره‌گان لە وەڕێوبەرایەتیە پەیوەندیدارەگان تەقەلایل جیوازیگ دەن لە ماوەی شەپۆل گەرمیەگە، و لە ئەرکەیلیان دەرکردن تەرم خنکیایەگانە، ک خوەی ئەرک مرۆییە وەرجە ئەرک پۆلیس، و جوولەکردن دەوریەی بەلەم لە گشت وەختەگە لە چەم فوڕات و ناوچە تەنگەگان لە شار نەجەف.
موسەوی دیاریکرد ک دویای زیایبوین خنکیان لە پارێزگاگە، داوا لە هاووڵاتیه‌یل بەڕێز کەیمن دویرەو بکەفن لە مەلەوانی ناو چەمەگە، ئەرا سڵامەتی خوەیان، وداوا لە دانیشتوەیل کرد چەودیری مناڵەیلیان بکەن وەتایبەت لەماوەی ناوبەین ساعەت ٤ تا ٩ ئیوارە.
و جەختکرد لەگرنگی روی کردن وەرەو نزیکترین خاڵ پۆلیس رووبار ک هانە ژیر پردەگان، یا پەیوەندی وە ژمارەی ١٠٤ بکەن، ئەگەر خنکیاگیگ بوی.
