دویای کەرکوک... دیالە رویوەڕوی سورێژە بوود
2024-03-20T10:59:56+00:00
شەفەق نیوز/ وەڕێوەبەرایەتی تەندروسی دیالە، ئمڕوو چوارشەممە، دووپاتکرد لە سەرەتای هەفتەی ئایندە دەسکەنە هەڵمەتیگ نیشتیمانی ئەرا رویوەروی بوین بیماری سورێژە لە پارێزگاگە.
قسەکەر تەندروسی دیالە فارس عەزاوی وە ئاژانس شەفەق نیوز وت "هەڵمەتە نیشتیمانی کوتان سورێژە لە رووژ یەکشەممەی ئایندە لە دیالە و گشت پارێزگایەیل عراق دەسوەپی کەێد".
وتیش، "هەڵمەتەگە زیاتر لە 1000 مەکتەو کوتان گرێدەیان ئەرا زیاتر لە چارەگە ملیۆنیگ خوەنەوار لە سەرانسەر پارێزگاگە ئەرا سنووردارکردن تویشهاتن وەپی لەدویای ئەوەگ بەرزەوبوین وەرچەویگ لە ماوەی کۆتاییە وەدی کریا".
لەنیمەی مانگ، فەرمانگەی تەندرسی پارێزگای کەرکوک بەرزەوبوین گەپیگ راگەیان لە شمارەی تویشهاتن وە بیماری سورێژە.
