دویای کۆچبردن ناچاری.. وەزوور چگنەوە سەدان لە خیزانەیل خەێدە بیاوان
شەفەق نیوز/ ئاژانس شەفەق نیوز، وێنەیلیگ ئەرا خیزانەیل ئاوارە کەفتنە دەسی، ک ناچاربووین لە چگنەوەیان وەرەو میلکانیان، دویای بەسانن کامپەیل ئاوارەگان.
وێنەکان سەدان لە خیزانەیل لە بیاوان نیشان دەن، دویای بڕیار چووڵکردن کامپەگان و ناچارکردنیان ئەرا چگنەوەیان وەزوور ئەرا ناوچەیل دانیشتوویان، لەو پلانە ک حکومەت عراق ئەرا چووڵکردن و بەسانن گشت کامپەگان لە پارێزگا رزگارکریایەگان لەبانی ری کەێد.
وەخشینیگ ئەرا پارێزگای نەینەوا نەکریا، ک وەرجە چەن رووژیگ دەسکریا چووڵکردن چوار کامپەگەی، تا دویای ئەوە هەزاران لە خیزانەیل خەڵک ناوچەیل خوەرائاوای نەینەوا لە خەڵک ئاوایە زەرەدمەنەگان لە جەنگەکە، خوەیان لە بیاوانەیل بیوننەو.
وێنەگان هەمیش خیزانەیلیگ لە ناو کەلاوەیلیگ نیشان دەێد، ک هاتنەو ئەرایان لە قەزای بەعاج، دویای ئەوەک ئی خیزانەیلە وەپیان نەکریا وەرەو ماڵەیل خوەیان بچنەو..
