دویاخستن سەرەتای ساڵ خوەنین لە عراق ئەرا 11ی تشرین یەکەم
2026-09-15T09:02:20+00:00
شەفەق نیوز ـ بەغداد
وەزیر پەروەردە عەبدولکەریم عەبتان جەبووری، ئمڕوو سێشەممە، رێنمایی دا دەسوەپیکردن ساڵ خوەنین 2026–2027 ئەرا بڕوار 11ی تشرین یەکەم/ئۆکتۆبر ئایندە دویابخریەێد، لە جیای 20 ئەیلول/سێپتەمبەری ئێ مانگە، تا وەخت ئەرا تەواوکردن رێکارەیل تاقیکردن خول دویەم ئەو پۆلەیلەی کە کۆتایی نەهاتنە بوود، و هەمیش ئامادەکردن مەکتەوەیل ئەرا ساڵ نوو.
وە پای کتاویگ فەرمی کە وە لایەن وەڕێوەبەرایەتی گشتی پەروەردەی گشتی و ئەهلی و بیانیەیل لە 15ی ئەیلول ئێ مانگە دەرکریاس، بڕیارەگە وە لەوەرچەوگردن بەرزەوبوین پلەی گەرمی لە ماوەی ئێ مانگە، وەگەرد تەواوکردن گشت هەوەجەیل خوەنین و تەکنیکی و کارگێری وەرجە دەسوەپیکردن دەوام خوەنەوارەیلە لە گشت عراق.
