دویای مەرزەیل دیالە و بەسرە.. سوپای عراق کۆنتڕۆل زرباتیە کەێد

شەفەق نیوز/ فەرماندەی ئۆپراسیۆنە هاوبەشەگان، ئمڕوو شەممە، راگەیان لە نیاز رەوانەکردن هێزیگ سەربازی وەی نزیکە ئەرا مەرز زرباتیە هاوسنوور وەل ئیران لە پارێزگای واسیت، ئەرا کۆنتڕۆڵ کردنی هەکاتی مەرزەیل دیالە و بەسرە.
فەریق روکن عەبدولئەمیر شەمەری جیگر فەرماندەی ئۆپراسیۆنە هاوبەشەگان لە دوای سەردانی ئەرا مەرز زرباتیە لە قسه‌یلی ئەرا میدیا گان وت: ریکارە توندەگان جیوەجیکریەن ئەرا چەسپانن یاسا، و سەروەری دەوڵەت وە شیوەی تەواوەتی لەبان گشت مەرزە سنوریەگان، ئەرا وەدەسهاوردن سامانە ئابووریە گشتیەگان لە وڵات.
شەمەری هەمیش وت: سەردانەگە ئەرا چەودیری کردن شوونەگەس، و دابینکردن پێویستیە گرنگەگان، ئەرا رەسین هێزیگ لە فەرماندەیی ئۆپراسیۆنە هاوبەشەگان لەی روژەیل نزیکە، ئەرا گردن مەرزە سنووریەگان لە لایەن ئۆپراسیۆنە هاوبەشەگان، و لەناوبردن گەندەڵی.
موستەفا کازمی سەرۆک وەزیران، شەوەکی ئمڕوو شەممە، رەسیە مەرز سنووری زرباتیە.