دویای زیایبوین تویشهاتەیل کۆرۆنا.. بەسرە جادە وبازاڕەیل بەسێد
شەفەق نیوز/ دەزگا ئەمنیەگان لە پارێزگای بەسرە، ئمڕوو شەممە، دەسکردنە بەسانن فرەیگ لەریەگان ناو پارێزگاگە، وه تایبەت له ناوچەی عەشار، دویای زیایبوین تویشهاتن وە ڤایڕۆس کۆڕۆنا.
پەیامنێر ئاژانس شەفەق نیوز وت: لەسای تۆمارکردن بەسرە ئەرا بڕیگ تویشهاتن ک رەسیە ١٠٠ تویشهاتگ، و ژماره‌یه‌گیان کادر پزشکی وتەندروسین ، هێزە ئەمنیەگان وەهەماهەنگی وەل فەرمانگەیل شاره‌وانی هەڵسیان وەبەسانن بەشیگ لە ناوچەگان، لەلیان ناوچەی عەشارە، ک ناوەند پارێزگاگەس، جوور رێکاریگ لەنواگردن جووڵەی هاووڵاتیەیل ک پابەند قەیەغەی هاتوچگنەگە نین.
بڕیگ لە هاووڵاتیه‌یل ئەرا پەیامنێرەگەمان سکاڵا کردن لە باوه‌ت بەسانن جادەیل وکویچەیل وە تەیمانەی کۆنکریت، لەلیان ناوچەی عەشار، ک بویە هۆی خنکانن بڕیگ لەناوچەو جادەگان.
سەرچەوەیگ پزشکی وەرپرسیگ، دویەکە جومعە، باس لە تۆمارکردن ١٠٠ تویشهاتگ نوو وە ڤایڕۆس کۆڕۆنا کرد لە پارێزگای بەسرە.
