دوو کوشیان و زەخمداریگ سەخت وە پەلامار چەکداری لەبان ری "مەیمونە ـ عەمارە" لە میسان

شەفەق نیوز ـ میسان

سەرچەوەیگ ئەمنی، ئمڕوو پەنجشەممە، خەوەردا لە کوشیان دوو کەس و زەخمداری سەختیگ کەس سێیەم لە پەلاماریگ چەکداری وەبان ماشینیگ لە ری (مەیمونە ـ عەمارە) لە پارێزگای میسان.

لەباوەت هویردەکاری رویداوەگە سەرچەوەگە ئاشکراکرد، چەکدارەیل نەناسریایگ وەناو ماشینیگ لە جویر (پیک ئەپ) وەشوین ماشینیگ لە جویر (سەمەند) کەفتیە لەبان ئەو ری ناوبریاگە وەرجە ئەوەگ بڕەسێد وە پی  تەقە لە قوربانیەیل بکەێد. .

وتیش، هێزەیل ئەمنی ئاخڵڵەی شوین رویداوەگە داو دوو تەرمەگە ئەرا پزیشک دادوەری کلرد و لێکۆڵینەوە لە چوینیەتی رویدان رویداوەگە وەردەوامە.