دوو گورز ئاسمانی بڕیگ تیرۆریست لە نەینەوا لەناو دەن
شەفەق نیوز/ شانەی راگەیانن ئەمنی، ئمڕوو دووشەممە، راگەیان کوشیان بڕیگ لە تیرۆریستەیل وە گورزیگ ئاسمانی عراقی لە باشوور خوەرئاوای نەینەوا.
شانەگە لە بەیاننامیگ رەسیە ئاژانس شەفەق نیوز وت: وەگورەی زانیارییەیل هەواڵگری هۊردیگ لەلایەن وەڕێەوبەرایەتی هەواڵگری سەربازی، هیزیگ لە لیوای ٧٥ لە فیرقەی ١٦ لەناو فەرماندەی ئۆپراسیۆنەیل نەینەوا، ئەرک مینەکردن و وەشکین لە زنجیرەی کۊەیل نوێگیت باشوور خوەرئاوای نەینەوا جیوەجی کردن، و نووڕینە بڕیگ تونێل و یەکیگ لە تیرۆریستەیل خوەیکوش دۊای رۊیوەرۊبۊنیگ کوشتن، و تیرۆریستیگتر خوەیکوش خوەی لەناو یەکێگ لە تونێلەیل تەقانەو، ک بۊە هووکار زەخمداری سووکیگ ئەرا دوو ئەفسەر و دوو سەرباز.
وتیش: دۊای ئەوە شانەی ئامانجکردن سەروە ئۆپراسیۆنەیل هاوبەش فەرمان کیشانەوە و دۊرکەفتن لە تونێلەیل دا، تا فڕۆکەیلە دوو گورز ئاسمانی لەبان تونێلەیل بوەشنن، و ئەو تیرۆریستەیلە لەناویان بکوشن.
