دوو مردن لە دوو خەستەخانەی شار ناسڕیە.. سکاڵا و لێکۆڵینەوە
شەفەق نیوز ـ وەدویاچگن
دوو خەستەخانە لە شار ناسڕیە پسایەیل مردن دویەت گەنجیگ و کوڕ گەنجیگ وەخوەیان دین لەوەخت وەرگردن چارەسەر، کەسوکار یەکیگ لە قوربانیەیل داد توومارکرد، وەگەرد وازکردن لێکۆڵینەوە لە چوینیەتی هەردووگ پسا.
سەرچەوەیگ ئەمنی وە ئاژانس شەفەق نیوز وت، دویەت گەنجیگ بیس ساڵن، قەخڵک قەزای غوراف، لەناو خەستەخانەی ناسڕیە گیان لەدەسدا مەوقەی ئەنجامداین نەشتەرگەری لاوردن کیسیگ روینین لەبان گورچگی.
سەرچەوەگە وتیش؛ کەسوکار کووچکرد داوای توومارکردن داد لەبان دکتۆرەگە کەن، و تەرمەگەی ئەرا پزیشک دادوەری کلکریا.
لای خوەیشەو سەرچەوەیگ پزیشکی لە خەستەخانەگە خەوەردا، مردنەگە لە ئەنجام "ئاڵۆزی پزیشکی و تێکڵابوین بیماریەیل" بویە، دووپاتکرد لێکۆڵینەوە لە رویداوەگە وازکریا.
لە رویداو ترەک سەرچەوەیگ ئاگادار وە ئاژانس شەفەق نیوز خەوەردا لە مردن گەنجیگ 17 ساڵان خەڵک سوق ئەلشیوخ، لەناو خەستەخانەی تورکی لەناوڕاس شار ناسڕیە، دیاریکرد مردنەگە لە ئەنجام هەڵەی پزیشکی بویە، وەپای سەرچەوەگە.
سەرچەوەگە ئاشکراکرد، گەنجیگ ئەرا چارەسەرکردن لە خەستەخانەی سوق ئەلشیوخ کلکریارە خەستەخانەی تورکی، لەدویای زەخمداربوینی وە "دەرنەفیس" مەوقەی کارکردنی.
وەپای سەرچەوەگە، وە مدوو هەڵەی پزیشکی وە داین تاقەبەشیگ لە ئارامکەر ژان، وەبان ئەوەگ بیماری هەناستەنگی داشتیە، وەبی ئەوەگ لە بیمارەگە بپرسن بیماریگ دیرێد یا نە وەرجە دەرزیدانەگە.
