دوو زەخمدار لە پۆلیس وە پەلاماریگ لەلایەن داعش لە نزیک بۆڕ دۆڕ لە تکریت

شەفەق نیوز/ سەرچەوەیگ ئەمنی لە سەڵاحەدین، ئمڕوو سێشەممە، خەوەر لە زەخمداربوین دوو کەس لە پۆلیس دا وە پەلاماریگ لەلایەن داعش دژوە خاڵیگ ئەمنی لە باشوور شار تکریت.

سەرچەوەگە ئەرا ئاژانس شەفەق نیوز وت: ئەندامەیلیگ لە داعش پەلامار خاڵیگ ئەمنی لە ئاوای زەلایە لە نزیک بۆڕ دۆڕ ، و تەقە لە ئەندامەیل خاڵەگە کردن ک بویە هووکار زەخمداربوین دوو ئەندام لە فەوج تەکنیکی سەروە پۆلیس سەڵاحەدین.

سەرچەوەگە وتیش: ئەندامەیل خاڵەگە وەگەرد رەسین پاڵپشتی لە هێزەیل سوات بەرسڤ پەلاماردەرەکان کردن و هەڵمەتەیلیگ وەشکین و وەشوونکەفتنیان کردن ک وەرەو ناوچەیل دویریگ واین، و هێزەیل پۆلیس پاڵپشتی خاڵە ئەمنیەکان لەدەوبەر شوون رووداوەگە وەهێزەو کردن.