دوو خوەیکوشتن لە بەغدا و هەرێم کوردستان
2023-04-25T11:16:46+00:00
شەفەق نیوز/ دوو سەرچەوەی ئەمنی، ئمڕوو سێشەممە، خەوەردان لە خوەیکوشتن ئەندامیگ ئەمنی لە پۆلیس گەرمیان لە هەرێم کوردستان، ئەوەکەیش خەوەردا لە رویداویگ هاوشیوە لە بەغدای پایتەخت.
سەرچەوەیگ لە وەڕێەوبەرایەتی پۆلیس ئیدارەی گەرمیان وە ئاژانس شەفەق نیوز خەوەردا، ئەندامیگ لە پۆلیس گەرمیان لە داڵگبوی 1983 لە گرەک رزگاری خوەیکوشتیە لە قەزای کەلار، وە تەقەکردن لەخوەی لە ری چەک کلاشینکۆف وەبی ئەوەگ هووکارەگەی بزانریەێد.
سەرچەوەگە وتیش، " هووکار خوەیکوشتنەگە نادیارە لێکۆڵینەوە لەبانی کریەێد و تەرم قوربانیەگە ئەرا پزیشک دادوەری کەلار بردنە".
سەرچەوەیگ لە بەغدا دووپاتکرد، ئەندامیگ ک لە نوێنەرایەتی تایبەت سەر وە پۆلیس فدراڵی کارکردیە تەقەلای خوەیکوشتن وە چەقوو دایە و ملی زەخمدار بویە لەناو ماڵەگەی لە ناوچەی سەدر.
