دوو تەقینەوە لە زیقار
![دوو تەقینەوە لە زیقار](https://media.shafaq.com/media/arcella/1723020558929.jpg)
2024-08-07T08:49:30+00:00
شەفەق نیوز/ سەرچەوەیگ ئەمنی لە زیقار باشوور عراق، ئمڕوو چوارشەممە، خەوەردا لە توومارکردن دوو تەقینەوە لە قەزای دەوایە لە باکور خوەرهەڵات پارێزگاگە یەکیگیان لەرێ مووشەک بویە.
سەرچەوەگە ئەرا ئاژانس شەفەق نیوز راگەیان "بۆمبویگ ساخت ناوخوەیی، شەوەکی ئمڕوو تەقیە، لەناوچەی حەکیم لە قەزای دوایە ماڵ فەرمانبەریگ وەپی گیریاسە ئامانج، تەقینەوەگە زەرد مادی وە روی ماڵەگە رەسانییە، وەبی ئەوەی زەرد گیانی بوود".
سەرچەوەگە وتیش، "قەزای دوایە تەقینەوەیگ ترەک وەخوەی دیە کە تەقیان مووشەک بویچگیگ بویە ماڵیگ وەپی کریاسە ئامانج، تەقینەوەگە کەمیگ زەرەد وە روی ماڵەگە رەسانیە".
سەرچەوەگە وتیش "هێزە ئەمنیەیل لێکوڵینەوە لە هەردوو رویداوەگە وازکردنە ".