دوو ئاگر و دزیکردن.. عراق رویداوەیلیگ ئەمنی لە 3 پارێزگا توومارکەێد
شەفەق نیوز/ سەرچەوەیگ ئەمنی، ئمڕوو دووشەممە، خەوردا کەسەیل نەناسریایگ دزی لە دەسەی پرسەداری "جبل الصبر" کردنە لە ناحیەی عەکیکە سەر وە قەزای سوق ئەلشێخ، لە باشوور پارێزگای زیقار، هەمیش هەریەک لە پارێزگایەیل بەغدا و دیالەش رویداو هیزگردن ئاگر توومارکردن.
سەرچەوەگە وە ئاژانس شەفەق نیوز وت "تاوانبارەیل وە بڕ زیاتر لە 15 ملیۆن دینار کەرەستە دزینە، لناوی بوتڵ غاز و تەباخ و موبەریدەی هەوا، و ئامێر سبلیت و چشتەیلیگ ترەک تایوەت ە دەسەگە".
لە بەغدای پایتەخت، تیمەیل وەرگیری شارستانی توەنستن کۆنترۆل رویداویگ هیزگردن ئاگر ناوڕاسیگ بکەن لەناو دوکانەیل فروشتن کەرەستەیل وە کوو لە ناوچەی ئەزری لە باکوور شارەگە.
پەیامنێر ئاژانس شەفەق نیوز وت، تیمەیل توەنستنە ئاگرەگە کپەوبکەن و کارەیل سەردەوکردن بکەن وەبی هویچ کەلەمداری مرۆییگ.
لە دیالە، سەرچەوەیگ ناوخوەیی خەوەردا لە هیزگردن ئاگر لەناو بوسانیگ گەنم لە خوەرهەڵات قەزای خانەقین، باکوور خوەرهەڵات پارێزگاگە.
وەپای سەرچەوە ناوخوەیەگە وە ئاژانس شەفەق نیوز خەوەردا، تیمەیل وەرگیری شارستانی رسینەس شوینەگە و تەقەلایەیلیان وردەوامە ئەرا کپەوکردن ئاگرەگە و نواگیریکردنی ئەرا زەوی کشاوەرزیەیل دەوروگەرد.
