ده‌زگايه‌يل دارايى و بانكه‌يل حكومى ناكه‌فنه وه‌ر قه‌يه‌غه‌ى هاتوچوو
2020-05-30T21:02:36+00:00
شه‌فه‌ق نيوز/ عه‌لى عه‌لاوى وه‌زير دارايى عراق، ئاشكراى ئه‌وه كرد ده‌زگايه‌يل دارايى و بانكه‌يل حكومى ناكه‌فنه وه‌ر قه‌يه‌غه‌ى هاتوچوو.
عه‌لاوى له به‌ياننامه‌يگ ئه‌را ئاژانس شه‌فه‌ق نيوز وت: بڕيار درياگه ئى ده‌زگايه‌يله نه‌كه‌فنه وه‌ر رێ وشوونه‌يل قه‌يه‌غه‌ى هاتوچوو ك پيكهاتنه له‌يانه: بانك ناوه‌ندى، نوسينگه‌ى وه‌زير، هه‌ردوگ بانك رافده‌ين و ره‌شيد، دارايى شمارياى و بودجه و گشت يه‌كه‌يل خه‌رجده‌ر له وه‌زاره‌ت دارايى و بانك عراقى ئه‌را بازرگانى TBI.
جى باسه، يه‌يش له‌وه‌خيگه ئمڕوو شه‌ممه حكومه‌ت عراقى بڕيار دريژكردنه‌وه‌ى قه‌يه‌غه‌ى هاتوچوو دا له سوو يه‌كشه‌ممه‌وه ئه‌را ماوه‌ى يه‌ك هه‌فته.
