دروسکردن لیستیگ وەناو «نەجمەدین کەریم» ئەرا هەڵبژاردن عراق و خیزانەگەی لێدوان دەێد
شەفەق نیوز/ ئمڕوو شەممە، لە شار هەولێر پایتەخت هەرێم کوردستان، راگەیانن دروسکردن لیست نوویگ وەناو رەحمەتی نەجمەدین کەریم پارێزگار وەرین کەرکوک ، ئەرا هەڵبژاردن هاتگ لە عراق.
نەشوان جەلال وەرپرس وەرین نووسینگەی نەجمەدین کەریم لە کۆنگرەیگ رۆژنامەوانی ئەمڕوو لە هەولێر و ئاژانس شەفەق نیوز چەودیریی کرد وت: ئیمە خاوەن لایەنیگ سیاسی نییمن، و پەیوەندی و هیچ لایەنیگ یا حزبیگ نەیریمن، و ئی لیستە لە ئارازو خەڵک کەرکوک دەرچگە، و لە جەخت ئەو خەڵکە دروس کریاگە وە ئامانج وەرگریکردن لەبان مافەیل تاڵانکریاییان لە پارێزگاگە.
وتیش؛ ئەو کەسەیلە ک بوونە کاندید لەی لیستە، خوەیان لە رووشنهویریل و کەسایەتی نیشتمانیە دیارەگانن، و هەمیش خوەیان سەروەخویین و حزبی نیین، و دەس لە باوەتەیل گەندەڵی نەیرن، ەگو ئاماژە کرد ک ئی لیستە یا شەپۆل سیاسییە ک دروسی کردیمنە لە هیچ کەسیگ یا لایەنیگ تر پاڵپشتی وەر نێەگرێد.
لە خود چینەگە، خیزانەگەی نەجمەدین کەریم، ئمڕوو لە وەختیگ گوزەیشتە روونکردنەوەیگ دەرکرد و وت: چەن کەسیگ ناو رەحمەتی لە دروسکردن حزبیگ با بەرەیگ یا شەپۆلیگ سیاسی وەکار تیەێرن، و دووپاتکرد ک هیچ پەیوەندییگ لە نزیک لە دویر وەو کەسەیلە نەیرێد.
خیزانەگەی داوا لە گشت لایەنەگان کرد، ناو رەحمەتی لە هیچ پڕۆژەیگ وەکار نارن، و ئەوەسا پەنا وە ریە بەسیایەگان بەێد ئەگەر پابەندی وە داواگەی نەوود.
