دروسکردن بازاڕیگ لە سنوور عراق و ئیران
![دروسکردن بازاڕیگ لە سنوور عراق و ئیران](https://media.shafaq.com/media/arcella/1645169474463.jpg)
شەفەق نیوز/ ئاژانس هەواڵی نیمچە فەرمی "فارس" لە ئیران، ئمڕوو جومعە، بلاوکردیە پارێزگای ئیلام ئیران و پارێزگاری دیالەی عراق، یاداشتیگ سەرەتایی لەیەک فامستن واژووکردنە ئەرا دروسکردن بازاڕیگ هاوبەش لە دەروازەی هەلالە باکوور.
ئاژانسەگە قسەی حەسەن بەهرام پارێزگاری ئیلام دۊای کۆبۊنەوە وەگەرد پارێزگاری دیالە لە رووژ پەنجشەممە، بلاوکردیە، دۊای واژووکردن یاداشتەگە تەقەلای مۆڵەت سەنتەرەگە وەدەس بارین.
دیاریکرد، ک مەردم ئیلام پەیوەندی نەژادی و کلتوری هاوبەش وەگەرد پارێزگای دیالە دیرن، یەیش خاسترین دەرفەتە ئەرا پەیوەندیەیل بازرگانی و دروسکردن بازار هەلالەی باکوور.
پارێزگار ئیلام ئومید فرەیگ دیرێد وە فرەوبۊن بازرگانی و ئەوزەڵداین بازرگانیی وەدروسکردن بازاڕیگ هاوبەش لەبان سنوورەگە لەو دو پارێزگا. باسکرد، پارێزگای ئیلام توانایەیل فرەیگ دیرێد لە مژارەیل جیاواز لە ئەوزەلداین بازرگانی و ئیلام خەێدە بان رێ وەرەونواچگن.
لەلایگتر پارێزگار دیالە موسەنا عەلی مەهدی وت: تەقەلای فرەیگ دەێمن ئەرا وەدەسهاوردن رەزامەندی حکومەت فدراڵی ئەرا دروسکردن بازاڕ هاوبەشیگ لە سنوور هەلالە لەنوان ئیلام و دیالە.
وتیش، پەیوەندی فرە خاسیگ دیرن وەگەرد ئیرەج مەسجدی بالیۆز عراق، ئۆمید کەێد دەسمیەتی هەردگ پارێزگاگە بیەێد لە دروسکردن بازاڕ هاوبەش گەپیگ.