درجال (خەوەگەی) مەنەلی تیەرێدە جی.. لە دامەزرانن یەکەم یانەی وەرزشی

شەفەق نیوز/ وەزارت گەنج و وەرزشی، رەزامەنی دا لە دامەزرانن یەکەم یانەی وەرزشی وەناو یانەی وەرزشی مەنەلی، لەناحیەگە لە پارێزگای دیالە، ک خوەی یەکەم جارە لە وەخت دامەزرانن یەکێتی تووپان عراق لە ٨ تەشرین یەکەم ١٩٤٨ .

خەلەف جەلال وەرپرس یەکێتی لق تووپان ئەرا ئاژانس شەفەق نیوز وت: وەزارت گەنج و وەرزشی رەزامەنی سەرەتایی دا لەبان دامەزرانن یانەی وەرزشی مەنەلی، و چەوەڕی تەواوکردن ریکارە یاساییە ئاساییەگان ئەرا دامەزرانن یانە وەرزشیەگان کەیمن.

جلال، دامەزرانن یانەی مەنەلی جوور گام گرنگ و گەورایگ دانا، ئەرا گردەوکردن وزە و بەهرە وەرزشیەگان لە ناحیەی مەنەلی دێرین.

چالاکوانەیل و وەرزشکارەیلیگ لە مەنەلی باس لە خوەشحاڵی گەورای خوەیان کردن ئەرا بڕیار عەدنان درجال وەزیر گەنج و وەرزشی لە رەزامەنی لە داواکاریەیل خەڵک مەنەلی.

وەرزشکارەیلیگ لە مەنەلی دووپاتکردن ک درجال یەکەم وەزیرە خەون گەنج و وەرزشکارەیل مەنەلی وەجی بارێد، لە دویای زیان و داواکاریەیل فرەیگ ک توانایلیان شەکەت کرد، و ئاماژە کردن ک یانەی مەنەلی سەرکەفتنەیگە ئەرا خەڵک ناحیەگە.

هەرلیوا، عەلی سەلمان راوێژكار وەزیر گەنج و وەرزشی پەیمان دا وە پشتگیری و گەشەپێدان شوونە وەرزشیەگان و هەمیش هاوکاریکردن گەنجەیل ستەمدیدەی مەنەلی ئەرا راسەوکردن کەرت وەرزشی وەرەو خاسترەگە.