دراوردن ٣ تەرم لەژیر رمیاگ قەتارەی ئیمام عەلی لە کەربەلا
شەفەق نیوز/ سەرچەوەیگ ئەمنی لە وەرگری شارستانی کەربەلا، ئمڕوو یەکشەممە، خەوەردا لە دراوردن شمارەیگ لە تەرمەیل قوربانیەیل لەژیر رمیاگ قەتارەی ئیمام عەلی لە پارێزگای کەربەلا.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی ٣ تەرم لەژیر رمیاگ قەتارەی ئیمام عەلی لە کەربەلا دراوردن.
وەرجەیە، سەرچەوەیگ ئەمنی خەوەردا لە دراوردن تەرم یەکەمین ژن لەژیر رمیاگ مەزاریگ ئاینی لە کەربەلا.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی توەنستن تەرم ژنیگ لە ژیر رمیاگ رویداو رمیان قەتارەی ئیمام عەلی لە کەربەلا درارن.
عەمید تاهر زوبەیدی وەڕیەوبەر وەرگری شارستانی وەرجیە ئەرا ئاژانس شەفەق نیوز وت: ٦ کەس بیسەروشوین لەژیر رمیایەگە هەس، و دەرفەت رەسین وەپیان وەگەرد وەختەگە کەمەو بوود، ئەراوە خەسەوکردن لە کارەیل مینەکردن لەلاین تیمیگ ناودەوڵەتی هەس ئەرا رەفتارکردن وەرد سرووشت سەنگی و رمیانەگە، ک رویداوەگە وە رمیان تەپەگە دەسوەپی کرد ک هیشت کارەگە سەختەو بوود.
