دراوردن تەرم دویەتیگ و قورتارکردن داڵگ و کوڕیگ لەناو ماڵیگ سزیای لەناوچەی حارسیە لە بەغداد
2023-08-20T07:31:01+00:00
شەفەق نیوز/ تیم وەرگیری شارستانی، شەوەکی ئمڕوو یەکشەممە، تەرم دویەتگ گەنج دراوردن وەرد قورتارکردن داڵگ و کوڕیگ کە تویش سزیان و خنکیان بوینە لە ئەنجام هیزگردن ئاگریگ لەناو ماڵیان لەناوچەی حارسیە لەناوڕاس بەغدا.
وەڕیوبەرایەتی وەرگیری شارستانی ئمڕوو لە بەیاننامەیگ راگەیان، تیمەگەیان جەوبوینە و ئاخڵەی ئاگرەگە دانە و جیایکردنە لەماڵەیلتر دەوروگەردی تا راستەوخوەی دەسبکەنە کارەیل کپەوکردن، سەرکەفتی بوین لە چگنە ناو ناوڕاس ئاگرەگە و قورتارکردن زەخمدارەیل و ئەرا چارەسارکردن بریانە خەسخانە، وتیش، هەمان تیم تەرم دویەتیگیش دراوردنە، و دانەسێ دەس پزیشک دادوەری ئارا جیوەجیکردن رێکارەیل پزیشکی.
وە مدووە وەرگیری شارستانی داوای پسپۆر بەڵگەناسی کەێد ئەرا دەسنیشانکردن هووکار هیزگردن ئاگرەگە، وەپای بەیاننامەگە.
وەڕیەوبەرایەتی وەرگیری شارستانی باس لە هووکار هیزگرد ئاگرەگە نەکردیە.
