داوەزین گەورەیگ لە نرخ دۆلار لە بەغداد و هەولێر
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، لە بۆرسەی سەرەکی کیفاح و حارسیە لە بەغداد پایتەخت، شەوەکی ئمڕوو، رەسیە ١٦٣٠٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٧٠٠٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٦٤٠٠٠ دینار عراقی، و نرخ سەنینی رەسیە ١٦٢٠٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەێد، باوجی لە دوکانەیل ناوخوەیی نرخ دۆلار داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٦٦٠٠٠ دینار عراقی، و نرخ سەنینی رەسیە ١٦١٠٠٠ دينار عراقي.
ئی داوەزینە لە نرخەگە دویای ئەوە تیەێد ک بانک ناوەندی عراق، دویەکە جمعە، راگەیان ک گەنجینەی ئەمریکا ئامادەیی خوەی لە نەرمییگ نشان داگە وەخاتر ئامانج هاوبەش، و رێککەفتن لەبان وەردەوامی هەماهەنگی و هاوکاری وەو گردەوبوینە ک تەگبیرە لە واشینتۆن پایتەخت وەرجە ناوڕاس ئی مانگە بوود.
بانک ناوەندی عراق، دویەکە جمعە، یەکەم چین ئاسانکاری ئەرا جیوەجیکردن داوای دۆلار دەرکرد، لە لایەن کاش و هەواڵەی دەیشتەکی.
