داوەزین نرخ دۆلار وەگەرد بەسیان بۆرسەی سەرەکی
2022-09-20T14:38:36+00:00
شەفەق نیوز/ نرخ دۆلار ئەمریکی وەرانوەر دینار عراقی، ئیوارەی ئمڕوو سێشەممە، وەگەرد بەسیان بۆرسەی سەرەکی بەغداد، وە شیوەی کەمیگ داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، ئیوارەی ئمڕوو، لەبان نرخ ١٤٧٦٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان، و شەوەکی ئمڕوو نرخ ١٠٠ دۆلار ئەمریکی رەسیە ١٤٧٦٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد داوەزیا، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار عراقی.
