داوەزین نرخ دۆلار وەگەرد بەسیان بۆرسەی بەغداد و هەولێر

داوەزین نرخ دۆلار وەگەرد بەسیان بۆرسەی بەغداد و هەولێر
2023-02-16T14:41:47+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئەمروو پەنجشەممە، وەگەرد بەسیان بۆرسەی سەرەکی بەغداد پایتەخت، و هەولێر پایتەخت هەرێم کوردستان، داوەزیا.

پەیامنێر ئاژانس شەفەق نیوز وت: بۆرسەی کیفاح لە بەغداد پایتەخت، ئیوارەی ئمڕوو، لەبان نرخ ١٥٣٠٠٠ دینار عراقی وەرانوەر ١٠٠ دۆلار ئەمریکی دەری بەساد.

شەوەکی ئمڕوو، نرخ ١٠٠ دۆلار ئەمریکی رەسیە ١٥٤٠٠٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٥٤٠٠٠ دینار عراقی، و نرخ سەنینی رەسیە ١٥٢٠٠٠ دینار عراقی.

لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە، هەمیش داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٥٣٧٥٠ دینار عراقی، و نرخ سەنینی رەسیە ١٥٢٧٥٠ دینار عراقی.

Shafaq Live
Shafaq Live