داوەزین نرخ دۆلار وەگەرد بەسیان بۆرسەی بەغداد و هەولێر
2023-02-06T13:19:39+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزو بوی.
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٦٢٠٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٦٣٥٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٦٣٠٠٠ دینار عراقی، و نرخ سەنینی رەسیە ١٦١٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزین توومار کرد، م نرخ فرووشتن ١٠٠ دۆلار ئەمریکی رەسیە ١٦٤٢٥٠ دینار عراقی، و نرخ سەنینی رەسیە ١٦٤١٥٠ دینار عراقی.
