داوەزین نرخ دۆلار وەگەرد بەسیان بازاڕەیل بەغداد
2022-01-25T15:09:55+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، وەگەرد بەسیان بۆرسەی سەرەکی بەغداد داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت لەبان ١٤٧٨٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو نرخ دۆلار رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش: نرخ فرووشتن و سەنین لە دوکانەیل ناوخۆیی بەغداد داوەزیا، ک نرخ فرووشتن رەسیە ١٤٨١٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٢٥٠ دینار.
