داوەزین نرخ دۆلار لە بەغداد و هەولێر

پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی کیفاح و حارسیە لە بەغداد پایتەخت، رەسیە ١٥١٢٥٠ دینار عراقی وەرانوەر ١٠٠ دۆلار ئەمریکی.

شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٥٤٠٠٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، م نرخ فرووشتن ١٠٠ دۆلار ئەمریکی رەسیە ١٥٢٠٠٠ دینار عراقی، و نرخ سەنینی رەسیە ١٥٠٠٠٠ دینار عراقی.

 لە هەولێر پایتەخت هەرێم کوردستان، بۆرسە لە رووژەیل پشوو کار نیەکەن، باوجی لەناو دوکانەیل ناوخوەیی، نرخ دۆلار داوەزین توومار کرد، ک نرخ ١٠٠ دۆلار ئەمریکی رەسیە ١٥٢٢٠٠ دینار عراقی، و نرخ سەنینی رەسیە ١٥١٢٠٠ دینار عراقی.