داوەزین نرخ دۆلار لە بەغداد و هەولێر
2021-10-20T07:39:23+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: نرخ دۆلار لە پۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٧٨٥٠ دینار عراقی وەرانوەر ١٠٠ دۆلار ئەمریکی .
دۊیەکە سێشەممە، نرخ دۆلار رەسیە ١٤٨١٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد داوەزیا، ک نرخ فرووشتن رەسیە ١٤٨٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٢٥٠ دینار عراقی.
لە هەولێر پایتەخت هەرێم کوردستان، نرخ دۆلار داوەزین وەخوەی دی، ک نرخ فرووشتن رەسیە ١٤٨٢٠٠ دینار وەرانوەر ١٠٠ دۆلار ئەمریکی، ٢ نرخ سەنینی رەسیە ١٤٨٠٠٠ دینار عراقی.
