داوەزین نرخ دۆلار لە بەغداد و هەولێر
2023-04-01T07:56:17+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، و لە هەرێم کوردستان، داوەزیا.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٥١٩٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٥٣٣٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٥٢٥٠٠ دینار عراقی، و نرخ سەنینی رەسیە ١٥١٥٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەێد، وەلی نرخ دۆلار ئەمریکی لەناو دوکان و بازاڕەیل داوەزین توومار کرد، ک نرخ ١٠٠ دۆلار ئەمریکی رەسیە ١٥٢٠٠٠ دینار عراقی، و نرخ سەنینی رەسیە ١٥١٠٠٠ دینار عراقی.
