داوەزین نرخ دۆلار لە بەغداد و هەولێر
2022-06-01T08:00:09+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت، و لە هەرێم کوردستان داوەزیا.
پەیامنێر ئاژانس شەفەق نيوز وت: نرخ دۆلار لە بۆرسەی کیفاح و حارسیە لە بەغداد، شەوەکی ئمڕوو، رەسیە ١٤٨١٥٠ دینار عراقی وەرانوەر ١٠٠ دۆلار ئەمریکی.
شەوەکی دویەکە سێشەممە، نرخ دۆلار رەسیە ١٤٨٤٠٠ دینار عراقی وەرانوەر ١٠٠ دۆلار ئەمریکی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد داوەزی، ک نرخ فرووشتن رەسیە ١٤٨٥٠٠ دينار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دينار.
لە هەولێر پایتەخت هەرێم کوردستان، نرخ دۆلار هەمیش داوەزیا، ک نرخ فرووشتن رەسیە ١٤٨٢٠٠ دینار عراقی وەرانوەر ١٠٠ دۆلار ئەمریکی، ٢ نرخ سەنینی رەسیە ١٤٨٠٠٠ دينار.
