داوەزین نرخ دۆلار لە بەغداد و ئارامگردنی لە کوردستان
شەفەق نیوز/ ئمڕوو پەنجشەممە ٢١ کانون دوویەم ٢٠٢١ ، نرخ دۆلار لە بۆڕسەی سەرەکی لە بەغداد داوەزیا، لە وەختیگ ک لە هەرێم کوردستان ئارام گرد.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٥٦٥٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٥٦٥٠ دینار وەرانوەر ١٠٠ دۆلار تۆمار کرد.
دوێەکە چوارشەممە، نرخ دۆلار لە بۆڕسەی کیفاح رەسیە ١٤٥٨٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد کەمیگ داوەزیا ک نرخ فرووشتن رەسیە ١٤٦٠٠٠ دینار عراقی، ونرخ سەنین رەسیە ١٤٥٠٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٦٠٠٠ دینار وەرانوەر ١٠٠ دۆلار، و سەنین بویە ١٤٥٥٠٠ دینار وەرانوەر ١٠٠ دۆلار ئەمریکی.
