داوەزین نرخ دۆلار ئەرا خوار ١٤٧ هەزار دینار
2022-10-24T13:54:36+00:00
شەفەق نیوز/ نرخ دۆلار ئەمریکی، وەرانوەر دینار عراقی، ئمڕوو دووشەممە، ئەرا خوار ١٤٦ هەزار دینار هاتە خوار، دویای توومارکردن داوەزین گەودەیگ ئمڕوو.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت ئیوارەی ئمڕوو لەبان نرخ ١٤٥٨٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٤٦٣٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد داوەزی، ک نرخ فرووشتن رەسیە ١٤٦٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٥٢٥٠ دینار عراقی.
