داوەزین نرخ دۆڵار لە بەغدا و هەولێر
![داوەزین نرخ دۆڵار لە بەغدا و هەولێر](https://media.shafaq.com/media/arcella/1656487951744.jpg)
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو چواشەممە، لە بۆرسەی سەرەکی بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 148000 دینار عراقی وەرانوەر 100 دۆلار ئەمریکی.
دویکە سێشەممە، نرخ دۆلار رەسیە 148100 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 148500 دینار عراقی وەرانوەر 100 دۆلار ئەمریکی، و نرخ سەنینی رەسیە 147500 دینار.
لەهەولێر پایتەخت کوردستانیش نڕخ دۆلار داوەزی، نڕخ فروشتنی رەسیە 148200 عراقی وەراوەر 100 دۆڵار ئەمریکی، و نڕخ سەنینی 148100 عراقی وەرانوەر 100 دۆلار ئەمریکی.