داوەزین نرخ دۆڵار لە بەغدا و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت و هەرێم کوردستان  داوەزیا.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147000 دینار عراقی وەرانوەر 100 دۆلار ئەمریکی. 

دۊکە چوارشەممە، نرخ دۆلار رەسیە 147100 دینار عراقی وەرانوەر 100 دۆلار ئەمریکی.      

پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 147500 دینار عراقی وەرانوەر 100 دۆلار ئەمریکی، و نرخ سەنینی رەسیە 146500 دینار.                  

لەهەولێر پایتەخت هەرێم کوردستانیش نرخ دۆلار داوەزی، نرخ فروشتنی رەسیە 147000 عراقی وەراوەر 100 دۆڵار ئەمریکی، و نرخ سەنینی 146800 عراقی وەرانوەر 100 دۆلار ئەمریکی.