داوەزین نرخ دۆڵار لە بەغدا و هەولێر
2023-06-19T08:20:07+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو ددوشەممە، لە بۆرسەی سەرەکی بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت ئمڕوو شەوەکی رەسیە 146500 دینار عراقی وەرانوەر 100 دۆلار ئەمریکی. رووژ یەکشەممە، نرخ دۆلار رەسیە 146950 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد داوەزیا، نرخ فرووشتن رەسیە 147500 دینار عراقی وەرانوەر 100 دۆلار ئەمریکی، و نرخ سەنینی رەسیە 145500 دینار.
لەهەولێر پایتەخت کوردستانیش نرخ دۆلار داوەزی، نڕخ فروشتنی رەسیە 146700 عراقی وەراوەر 100 دۆڵار ئەمریکی، و نرخ سەنینی 146650 عراقی وەرانوەر 100 دۆلار ئەمریکی.
