داوەزین نرخ تەڵا لە بازاڕەیل عراق

شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، ئمڕوو چوارشەممە، ١ حوزەیران ٢٠٢٢ ، داوەزیا.  

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٧٨ هەزار دینار، و نرخ سەنینی رەسیە ٣٧٤ هەزار دینار.   

پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش داوەزین وەخوەی دی لەپای ٣٣٨ هەزار دینار، و نرخ سەنینی رەسیە ٣٣٤ هەزار دینار.   

لەباوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار ٢١ ها ناوبەین ٣٨٠ هەزار دینار و ٣٩٠ هەزار دینار، و نرخ فرووشتن یەک مسقاڵ تەڵای عراقی ها ناوبەین ٣٤٠ هەزار دینار و ٣٥٠ هەزار دینار.