داوەزین نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕە ناوخۆیەیلە، ئمڕوو دوشەممە ، 14ی ئادار 2022    داوەزی. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 404 هەزار دینار، ونرخ سەنینی رەسیە 398 هەزار، نرخ فروشتن رووژ یەکشەممە  406 هەزار دینار بۊی.

پەیامنیرمان وتیش: نرخ فروشتن یەک مسقال تەڵای عراقی داوەزین وە خوەی دی لە پای 364 هەزار دینار وە نرخ سەنینی رەسیە  358 هەزار دینار. 

لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 405 هەزار دینار و415 هەزار دینار، نرخ تەڵای عراقی ها لە ناوەنی 365 هەزار و 375 هەزار دینار.