داوەزین نرخ تەڵا لە بازاڕەیل بەغداد و جیگیربوینی لە هەولێر
شەفەق نیوز/ نرخ تەڵای بیگانە و عراقی، ئمڕوو سێشەممە ١١ی تەشرین یەکەم ٢٠٢٢، لە بازاڕە ناوخۆیەیل بەغداد پایتەخت داوەزی، و لە بازاڕەیل هەولێر پایتەخت هەرێم کوردستان جیگر بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٤٢ هەزار دینار، و نرخ سەنینی رەسیە ٣٣٨ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش داوەزین توومار کرد لەپای ٣١٢ هەزار دینار، و نرخ سەنینی رەسیە ٣٠٨ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٤٥ هەزار دینار و ٣٥٤ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٠ هەزار دینار و ٣٢٥ هەزار دینار.
نرخ تەڵا لە بازاڕەیل هەولێر، ئارامی وەخوەی دی، ک نرخ فرووشتن یەک مسقاڵ عەیار ٢٥ رەسیە ٤٠٥ هەزار دینار، و یەک مسقاڵ تەڵای عەیار ٢١ وە ٣٦٠ هەزار دینار، و یەک مسقاڵ تەڵای عەیار ١٨ وە ٣٠٥ هەزار دینار.
