داوەزین نرخ تەڵا لە بازارەیل عێراق
2021-11-25T10:54:40+00:00
شەفەق نیوز/ نرخ تەڵای بیگانە و عراقی، ئمڕوو پەنجشەممە، لە بازاڕەیل عێراق کەمیگ داوەزیا.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیچی و تورکی و ئەوروپایی لە بازاڕەیل جادەی نەهەر بەغدای پایتەخت رەسیە 368 هەزار دینار، و نرخ سەنینی رەسیە 364 هەزار دینار، نڕخ فڕوشتن، دۊیکە چوارشەممە 369 هەزار دینار ئەرا هەر مسقاڵ بۊی.
پەیامنێرمان وتیش: نرخ فرووشتن یەک مسقاڵ عەیار 21 تەڵای عراقی داوەزین وەخوەی دی لەپای 338 هەزار دینار، و نرخ سەنینی رەسیە 334 هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار 21 هالە ناونی 370 هەزار دینار و 375 هەزار، و نرخ فرووشتن تەڵای عراقی هالە ناونی 340 و 345 هەزار دینار.
