داوەزین نرخ تەڵا بازاڕەیل بەغدا و جیگیربوینی لە هەولێر
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٣٩٠ هەزار دینار، و نرخ سەنینی رەسیە ٣٨٦ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش داوەزی توومار کرد لەپای ٣٦٠ هەزار دینار، و نرخ سەنینی رەسیە ٣٥٦ هەزار دینار.
لەباوەت نرخ تەڵا لە دوکان زەڕنگەرەیل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٩٠ هەزار دینار و ٤٠٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٦٠ هەزار دینار و ٣٧٠ هەزار دینار.
نرخ تەڵا لە هەولێر پایتەخت هەرێم کوردستان، جیگر بوی، ک نرخ فرووشتن یەک مسقاڵ تەڵای عەیار ٢٤ رەسیە ٤٦٥ هەزار دینار، و نرخ فرووشتن یەک مسقاڵ تەڵای عەیار ٢٢ رەسیە ٤٣٠ هەزار دینار، و نرخ فرووشتن یەک مسقاڵ تەڵای عەیار ٢١ رەسیە ٤١٥ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣٥٠ هەزار دینار.
